ئەرێ خاتوونەکەم

ئەرێ خاتوونەکەم
چیرۆکی ئەو دار سنەوبەرەت بیستووە؟
لە گوندی ئێمە دار سنەوبەرێک هەبو
بەژن ڕێک و بڵند هیچ پایزێک نەیتوانی وشکی بکات
هیچ ڕەشبایەک هێزی وەراندنی ئەوی نەبوو
چەندەها زریان نەیانتوانی بیلەرزێنێت
بەڵام بەیانیەکی بەهار عاشقی چۆلەکەیەکبوو
کە بە چڵی سەرەوەی هێلانەی کردبوو
چەندەها بەهاریان پێکەوە بردەسەر
تا لە بەهارێکی غەمگیندا چۆلەکەکە کۆچی کرد
ئەو دار سنەوبەرە لە دووری چۆلەکەک وەها زەرد هەلگەڕا
وەها پەلەکانی تێکشکان و
وەها گەڵاکانی کەوتنە وەرین
بە هیچ بەهارێک سەوزنەبویەوە
تازە ئەو بوو بەگەمەی دەستی پایز و گاڵتەجاری ڕشەبا
ئەو لە ڕووی چەمەن خەجاڵەتما
ئەزانی خاتوونەکەم لەدووریت
من ئەو سنەوبەرەم ...

#کورد
#کوردستان