گؤردوم ای یار وفاسیز سنی، دردیم تزه لندی

گؤردوم ای یار وفاسیز سنی، دردیم تزه لندی

او گئچن گونلریمیز او شیرین خاطره لر یادیمه دوشدو

بو وجودوم غمیلن بیرده بَلندی

اوره گیم تیتره دی بیردن ,بیر سویوق تر منی باسدی

گؤزومون یاشی الندی اولدو سئل

آلدی منی قوینونا سارا کیمی بوغدو

گئنه کسگین باخیشولان دئیه سن جان ائویمه زلزله سالدین

گئنه مندن منی آلدین بو سینیق قلبیمی چالدین

آی منیم عشوه لی ظالم ده لی یاریم!

منه قارشی اوره گی کین و ستمله دولو یاریم

بیلمیره م هئچ نئیه سنلن گئنه من اوز به اوز اولدوم؟

تا گئچن خاطره لر یادیمه دوشسون

سنی ای کاش کی من گؤرمز اولایدیم