آشیق ادبیاتیندا بیر دیوان شعری:

آشیق ادبیاتیندا بیر دیوان شعری:

عجایب بیر حاله دوشوب بوگون عشقین بازاری.
مجنون غیرتدن دوشوبدی لیلا تومانچاق گزیر.
بئلینه شمشیر باغلایان دوننکی پهلوانلار .
شمشیر یئرینه الینده سیم ایله سانجاق گزیر .

فرهاد پولا عاشق اولوب شیرین هوسکار چیخیب.
کرم سازینی ساتیبدی اصلی بدلکار چیخیب.
کور اوغلو بیغین کسیبدی نیگار ریاکار چیخیب.
جوانشیرلر گیزلنیبدی نبی لر قاچاق گزیر.

انسان آغزی آچیق قالیر بو نه حالدی نه دوران.
داهی تانینمیر کیم تولکی کیم مارالدی کیم اصلان.
قاشین آلمیش ساچی اوزون بیلمم بئیدی یا بایان .
انسانی یولدان آزدیریر شیطانا آیاق گزیر.

کاتب اوغلو دیلین آجی اولدی بسدی دور دایان.
هرکسی یارادان واردی ناظردی بیر لامکان.
سنین گوجون یئتمز بیر آللاهدی حساب آلان.
ناموس بیلن اؤزون ساخلیر هوسدن اوزاق گزیر.