دئدیم آزجور ائله جانا دئدی عادت بئله دیر

دئدیم آزجور ائله جانا دئدی عادت بئله دیر
دئدیم اغیاریله گزمه دئدی قسمت بئله دیر
دئدیم انصاف دئییل شعله عشقینده یانام
دئدی پروانیه باخ رمز سعادت بئله دیر
دئدیم آزناز ائله گولدو دئدی نازسیز گوزلی
حق یارادماز بو نو بیل راز طبیعت بئله دیر
دئدیم آل جانیمی قوی بیر نفس آسوده یاتیم
دئدی عشق اهلی اگر ایستسه راحت بئله دیر
مین کره جانیمی قربان ائله دیم جان دئمه دی
نه بیلیم بلکه ده قانون محبت بئله دیر
یئخدی کونلوم ائوینی ایله مدی عهده وفا
بیوفا نازلی گوزلرده صداقت بئله دیر
قلبیمی الدن الیبدیر داها قیترمیر او گول
مذهب عشقیده چون رسم امانت بئله دیر