خنده یل زِرمیلمی دل آدمه اَو ایکنِه

خنده یل زِرمیلمی دل آدمه اَو ایکنِه
چشمل کافرکُشش می تیروَبرنو ایکنه

بی صیی سازودهُل وَختی که پاپا ایکنه
هرکه دیدش او دقه باورکُه بوبو ایکنه

روبرو وختی ایایِه بَسکه نرم ونازکِه
می کَری سر تَش بنی دل آدمَه تَو ایکنه

چی شکالی که پلنگی هم کَمینَش کِرده بو
مِن دمات چاسخار بوبو ومِهلو ایکنه

چشملش مِث کَلاشی یه که رگبار ایزنه
مِن تش وبرق تِیش سی تیروتاشو ایکنه

چاسخارودیلگون وزنگوانه تَختَه کِه
مارگون چادر زده هی تیر و نَرمو ایکنه

خوش به حال او کُری بُردِش ورَسم دَعوتی
می ورندیل قصِر هیبی گُلش خَو ایکنی🍃🌺