شعری زیبا از شاعر نام آشنای مرند، کربلایی کریم نصیری بمنا

شعری زیبا از شاعر نام آشنای مرند، کربلایی کریم نصیری بمناسبت فرارسیدن هفته معلم:(شعر ترکی)

وصفونده‌ قالوبدور‌ قلم‌ْ آواره‌ معلم
حیراندی‌ جهان،‌ سن‌ ائدن ‌ایثاره‌ معلم

سن ‌ائللره‌ ایللر بویی ‌هر یرده‌ دایاقسان
یاتموشلار ‌اویاندیقجا‌ گؤروللر‌ سن‌ اویاقسان
دنیا باغینون‌ گللرینه‌ سانکی‌ بولاقسان
رونق ‌ویروسن‌ گلشن ‌و گلزاره‌ معلم

ای‌ بزم ‌محبتده ‌یانان ‌شمع‌ فروزان
شأنونده ‌سنون ‌آزدی‌ یازیلسا‌ نئچه‌ دیوان
مین‌ زحمتیله ‌اؤرگه‌دوسن‌، یول‌ تاپور انسان
گؤیلرده‌ اولان‌ ثابت‌ و سیاره‌ معلم

جاهللری‌ اعجازیله‌ لقمان‌ ائدوسن‌ سن
امراضه ‌عجب‌ علمیله‌ درمان ‌ائدوسن ‌سن
قاره‌ داشی ‌بیر لعل‌ بدخشان‌ ائدوسن‌ سن
عزتله‌ چکورسن‌ اونی‌ بازاره‌ معلم

بیر شمع‌ کیمی ‌هر گئجه‌ گوندوز آلیشورسان
جاندان‌ چکوب ‌ال، ‌هم‌ چالیشوب‌ هم‌ آلیشورسان
سن‌ غرق‌ اولان ‌انسانلار الیندن‌ یاپیشورسان
هر دم‌ ائدوسن ‌چاره‌سیزه‌ چاره‌ معلم