ای منیـم آرام جـانیــم ، مهــربانیـــم هـارداسان

ای منیـم آرام جـانیــم ، مهــربانیـــم هـارداسان

آغـلارام آخشام سحــرروح روانیــم هـارداسان

ایسته دی گونلوم سنی باخدوم گئجه اولدوز لارا

ناز ایدیب اولـدوزدا باتدی هم زبانیـم هارداسان

بیلمورم عـلت نـدی خامــوش اولــوبـدور بلبلوم

گل دانوشسون بلکه بلبل یاندی جانیم هارداسان

بـی وفـا باخ گورنئجــه آغـلاربـولـودلارحالمـه

کاروانیــم غـرق اولورای ساربانیــم هارداسان

هـرگلی گـوردوم خیال ایتدیـم منیم دور ناگهان

یادوما دوشـدی سـولوبدور بوستانیم هارداسان

ناامیـد اولما گئـدر قیـش سوگیلیم بایرام گلرر

گل چیچک لر سسله نر ای باغبانیم هارداسان