اَندَشی یا که کِلَوسی؟!بَنِ کُه یا که اِناری؟!

اَندَشی یا که کِلَوسی؟!بَنِ کُه یا که اِناری؟!
کَنگَری یا که بَلیطی؟نکُنه عاسَلِ کاری؟! کَلگ و موسیرِ وِلاتی؟نکُنه کَشک و قِرایی
مَشکِ دَو مالِ مونی یا نکُنه جورِ مَلاری!؟ حاکِ پاکِ مِنِ مالی؟ نکُنه چی تَشِ تُنگی؟!
اَسبِ تو بادِ شُماله!؟،نکُنه اَورِ سواری!؟ اَفتَوی یا مَه نو یا زِلِ روزی؟تَشِ بَرقی؟!
آسِمون یا که زِمینی؟نکُنه سایه کُناری؟! چشمه کُهرنگِ مونی یا بَن و کِلخُنگِ کُهستون
کینُوی یا کُه جاوی؟!، نکُنه کِفتِ مُناری؟! بو چِویلی؟تُمِ ریواسِ تَری یا تَره تازه
سوزیِ کُه و کَمَر یا نکُنه اَورِ بهاری؟! نه اِنار و نه مُنار و نه کُنار و نه بُهاری
تو فقط جورِ "خوتی" و "خوته تَک" وُر هَمه داری.