هیمن

هیمن

تۆ گوتت: "من ئاشقی سەوداسەر و دینم دەوێ"
مـن گوتم: "تاکـو به ئاواتت بگەی دینم دەوێ"
هەڵکەوێ تاوێکی چاوێکی له دیدارت بکەم
تا بزانـی کوانێ بۆ جوانێ دڵ و دینم دەوێ؟
بزگوڕی ڕەش دابپۆشێ ڕوومەتی گەش تابەکەی؟
شاعیری گەش‌بینم و کوا چاوی ڕەش‌بینم دەوێ؟
ئەی پەریزادی مەهابادی! ئەتۆ ون بووی له من
تۆم هەبێ له کوێ، پەریزاده و پەریی چینم دەوێ؟
ڕووتم و یاقووت و ئاوریشم له بیر ناچێتەوه
لێوی سوور و ئاڵ و بسکی خاو و چین‌چینم دەوێ