دوندوردوم وایبری واتسابی لاینی

دوندوردوم وایبری واتسابی لاینی
تلگرام تانگودا گئزیرم داها
حقیقی حیاتدا یئر تاپانمادیم
مجازی دونیامدا وزیرم داها

اورکدن اریین اورک سوزلرین
سوزدورور گوزلریم یازی اوستونه
آلتیندا اکننده دوسلاریم لایکی
اومودوم قوزانیر بازی اوستونه

بیر گروپ آچمیشام گروپ لار ایچره
آدی تک اوزوده ائله شانلی دیر
هریاندان اوجادیر باشی قارلیدی
اونوندا اوریی من تک قانلی دیر

دریندن باخاندا او آغ اوزونه
گوروم قملری هی آنلاین دیر
غورورون یئدیتمیر قارا بورانا
گولوشو دوداقدا هی آفلاین دیر

سای سیز طوفانلاری ائله یر ریمو
گئجه نین اللری یئنه اد ائدیر
قارانلیق گوندوزلر داها آلچالیر
سئونین باخیشی سه هره گئدیر

"سئون"