سن منی آتشه آتدین ؛ آفرین اولسون سنه

سن منی آتشه آتدین ؛ آفرین اولسون سنه
سن منی راحت بوراخدین ؛ آفرین اولسون سنه

سن منیم دونیامی ائتدین چوخ قارانلیق " مرحبا "
سن منه غصه یاراتدین ؛ آفرین اولسون سنه

من سنه یار اولدوم اما ؛ قیمتین سن بیلمدین
ساچلاریمی سن آغارتدین ؛ آفرین اولسون سنه

سن منی ازدین ؛ منی سیندیرمیسان ؛ ای بی وفا
سن منی آخیر قوجالتین ؛ آفرین اولسون سنه

من سنه قاناد وئریبده ؛ گویلره اوچدورموشام
جوت قانادیمی قوپارتدین ؛ آفرین اولسون سنه

بیلمدین " حیرانیوین " افسوس ؛ سن هیچ بیر سووزون
سن بو دنیامی " دار " ائتدین ؛ " آفرین اولسون سنه "....