ﺩُﻫـﺪِﺭ ﺍِﺭ ﮐـِﻠﻤِﻦ ﺳﯿﺎﻩ ﺑﻮ ﻫﻮﺵ ﻭ ﺍﻗﺒﺎﻟِﺲ ﺧُﻮِﻩ

ﺩُﻫـﺪِﺭ ﺍِﺭ ﮐـِﻠﻤِﻦ ﺳﯿﺎﻩ ﺑﻮ ﻫﻮﺵ ﻭ ﺍﻗﺒﺎﻟِﺲ ﺧُﻮِﻩ
ﻧﺮﮔﺲ ﺷﻬﻼ ﭼِﻨِﻪ !!.. ﻧﺮﮔﺲ ﻓﻘﻂ ﮐﺎﻟِﺲ ﺧُﻮِﻩ

ﻏﯿﺮ ﺍﺯ ﺍُﻭ ﺯُﻟﻒ ِﮐـِﺮِﻧﺠﯽ ﮐﻪ ﺋﯽ ﯾﻮﻓﺘﻪ ﺳﺮﺗﯿﺎﺕ
ﮐُﻨﺞِ ﻟَﻮﻭ ﻫـﺮﮐﯽ ﻧﯽ ﯾَﺸﺘِﺖ ﮔُﺪ ﮐﻪ ﺍُﻭ ﺧﺎﻟِﺲ ﺧُﻮِﻩ

ﻣَﺮ ﻧﻪ ﮐـﻪ ﺷﯿــﺮﯾﻦ ﺯِ ﺣﺎﻝ ﮐﻮﻫﮑﻦ ﺑﯽ ﺑﺎ ﺧَﻮَﺭ
ﺳﯿـﭽﻪ ﻧﯿﭙُﺮﺳـﻪ ﺑِﺒﯿﻨِـﻪ ﻣُـﺮﺩﻩ ﯾـﺎ ﺣﺎﻟِﺲ ﺧُﻮِﻩ

ﮐُﺮ ﻭﺿـﻮ ﺩﺍﺭﯼ ﻭُﺭﯼ ﻓﺎﻟﯽ ﺯِ ‏( ﺣﺎﻓـﻆ‏) ﺳﯿﻢ ﺑِﮕِﺮ
ﭼـﻮﻥ ﺍﯾﮕـُﻦ ﮐﺎﮐﻮﯼ ﺷﯿـﺮﺍﺯﯼ ِ ﻣـﺎ ﻓﺎﻟِﺲ ﺧُﻮِﻩ

ﻭﺍ ﺗﻮﻧُﻮﻡ ﺳﺎﺯﯼ ﻭُﺭﯼ ﺷﺎﻟﺖ ﺑﺒﻨﺪﻫُﻒ ﮐُﻦ ﺑﻪ ﺳﺎﺯ
ﭘَـﻞ ﺑُﺮﯾـﺪﺍ ﺧُﻮﻭ ﺍﯾﺒـﺎﺯِﻥ ﻭَﺧﺘـﯽ ﺗُﺸﻤﺎﻟِﺲ ﺧُﻮِﻩ

ﺍﯼ ﺩُﻭَﺭ ﻫﺮﮐﺲ ﺗﻮﻧِﻪ ﺩﯼ , ﺩﯼ ﺧُﺪﺍﻧِﻪ ﺑﻨﺪﻩ ﻧﯿﺪ
ﻣﺎﻩ ﭼــﺎﺭﺩﻩ ﺍَﺭ ﮐـﻪ ﺑﻮﻫﻪ ﭼـﺎﺭﺩﻩ ﺳﺎﻟِﺲ ﺧُﻮِﻩ

ﭘِﻨـﮓ ﺭِﮐِـﻦ ﮐِــﺮﺩِﻩ ﭘﻠﻨـﮓ ﺗـﯽ ﯾَﻠِﺖ ﻗﻠﺐ ﻣُﻮﻧﻪ
ﻣُﻮﻥ ﺟَﻬَﻨﺪَﻡ .. ﻫُﻮﻥ ﺑﭙُﺮﺳﯿﻦ ﺩﺳﺖ ﻭ ﭘِﻨﮕﺎﻟِﺲ ﺧُﻮِﻩ

ﭼﻨﺪ ﺳـﺎﻟﯽ ﻫِﺪ ﮐﻪ ﺍﺯِ ﻋﺸﻘﺖ ﮐﻔﻦ ﮐِـﺮﺩُﻡ ﺑﻪ ﻭَﺭ
ﺟﻮﻥِ ﺷﻬﺮﻭ , ﺣﺮﻑ ﺑﺰﻥ , ﺑﻨﯿَﺮ ﮐﻪ ﻣﺘﻘﺎﻟِﺲ ﺧُﻮِﻩ

ﺩﻭﺵ ﺭَﻫﺪُﻡ ﺗﺎ ﺑِﭙُﺮﺳُﻢ ﺣﺎﻟِﺴﻪ !!!. ﺭﯼ ﺯِﻡ ﮔِﺮِﻫﺪ
ﺯﯾـﺮِ ﻟَﻮﻭ ﺭَﻫﺪ ﻭ ﮔُﺪَﮎ ﻋـﺎﺷــﻖ ﻓﻘـﻂ ﻻﻟِﺲ ﺧُﻮِﻩ