هارا گئدسون دالونجاق مَنده گلّم {آنا جان}

هارا گئدسون دالونجاق مَنده گلّم {آنا جان}
محبّــت گـولّـرین مـــن اوردا درّم
دریب او گولّـری قلبیـمده سـرّم
محبّت دریاسی ، مهربان آنا

من یاتمامیش یاتمییبسان باخیبسان
سسیم گلیب منه طرف آخیبسان
اولدوغوننان دوداقیمه یاخیبسان
محبّت دریاسی ، مهربان آنا

بیرگؤزون ایشلییب بیرگؤزون باخیب
گاهداندا گؤزیاشون یاناخدان آخیب
نئینیم کی غم اوخین منیلن تاخیب
محبّت دریاسی ، مهربان آنا

من آغلادیم سن ده منّن آغلادون
یارا جیسمیم محبّت له ساغلادون
عاشیق لرین اَلین والله باغلادون
محبّت دریاسی ، مهربان آنا

من قاچمیشام سنده منّن قاچیبسان
قیید میشم قولّلاروی آچیبسان
بالام دئییب قوجاقیوه باسیبسان
محبّت دریاسی ، مهربان آنا

کاسـیبلیغین داشی یامـان دَیَنده
قضو قدر، غـم سیرفاسین سَـرَنده
گَـؤردوم بیــزه اؤز جانــووی وِرَنده
محبّت دریاسی ، مهربان آنا

گئجه گوندوز حتّی هامـی یاتاندا
یاغیشدا طـوفاندا قـاردا بوراندا
روزیـگار آ تا نـی آغــلار ســالاندا
محبّت دریاسی ، مهربان آنا