حئیف او سئوگییه

حئیف او سئوگییه

او یالانچی ایللر گونه دیمزمیش ،
گول وئردیم ، وئردیییم گوله دیمزمیش ،
گؤزوم ده چاغلایان سئله دیمزمیش ،
حئیف او سئوگییه ، او محبّته .

بیر دفعه اوره ک دن گوله بیلمدیم ،
کؤنلومو کیمسه یه وئره بیلمدیم ،
سندن باشقاسینی سئوه بیلمدیم .
حئیف او سئوگییه ، او محبّته .

سنسیز گئجه لریم یوخو بیلمدی ،
ایچیمده آلیشان آهی بیلمدی .
من بیلدیم ، سن بیلد ین ، چوخو بیلمدی ،
حئیف او سئوگییه ، او محبّته.

اؤزومون اؤزومدن آجیغیم گلیر ،
دوستلاریم کدرلی ، دوشمنیم گولور.
اؤلن سئوگیمیزه یازیغیم گلیر ،
حئیف او سئوگییه ، او محبّته.

سولتانلیق تاختیمیز دئوریلدی نئجه ،
کولکسیز ، طوفانسیز سوورولدو هئچه ،
او سئوگی نیفرته چئوریلدی نئجه ،
حئیف او سئوگییه ، او محبّته.