نادرشاه افشار اشعار ترکی کتیبه نادرشاه

بو یئرده کیم که مکان ائیله رسه دنیادا

بهشت ایچره اگر ایسته سین مکان، یئری وار

اونون صفاسینا گر حیرت اوزره ائتسه نظر

هر آئینه اولور آئینه صورتِ دیوار

فرازِ قبّه ده سر طوقونو خیال ائتدیم

که توتدو چرخِ چهارمدا مِهرْ استقرار

گؤره ن بو قبّه یِ نورانی ایله سایه سینی

دییه ر که معجزه دیر اجتماعِ لیل و نهار

بو قصره چون یئتیشیر روضه یِ رضادان فیض

عجب دئییل ائده خَلَد اؤز قصورونا اقرار

رضا ائده ر اونا امداد ایکی دنیادا

وسیله دیر کؤمه ک و چاره، حقِ قرب جوار

ریاضِ خُلدون اولور حوضو چشمه یِ کوثر

عجب دئییل که گتیرسین نهالِ رحمتْ بار

شهنشاها سانا بو دهر ایچره شامل دیر

همیشه مرحمت و لطفِ داورِ غفّار

محال دیر اگر ائتسه ن خیال عقب ادا

بو فیضده ن اولا نادم قسیمِ جنّت و نار

که ممتنع گؤرونور ارتکاب ائده خالق

بو نوع امره که مخلوقو اوندان ائیله ر اعزار

ائده ر ظهور بو دنیادا رفعتِ عقبا

تمامِ سال اولور یاخشی، یاخشی اولسا بهار

همیشه عاقبتِ کار خیر اولور بی شک

او مشکل ایشده که دوشسون کریمله سر و کار

بو بقعه صورتِ اتماما چون قرین اولدو

ندایِ هاتفِ غیب ائیله دی بانا اِشعار

بهشتده ن بیر اثردیر بو، نشاء دنیادا

» جنّت آثار « گره ک که یازیلا تاریخی