ایچیرم گوزلری یولاردا قالان سالیغینا

ایچیرم گوزلری یولاردا قالان سالیغینا
درد الیندن ائوره گی اوتدا یانان سالیغینا
چوخ یارالار یه میشم دونیادا دوست آشنادان
ایچیرم دوست آدینا دوشمن اولان سالیغینا
وئرمیشیک یولداش اوچون بوردا جوان عومروموزی
ایچیرم یولداشاخاطیر قوجالان سالیغینا
یوخدو دوزلوک بو یالان دونیادا یولداشلیخدا
ایچیرم دوزلوق اولان یئرده یالان سالیغینا
دوز اولان دوسلوغا هئچ دونیادا قیمت یوخدور
ایچیرم جان وئره یولداشلیق آلان سالیغینا
دوز اگر دوست اولا دونیادا یورولماز هئچ کس
ایچیرم یولداشا خاطیر یورولان سالیغینا
چال عاشیق.چال سازی دوست عشقینه مجلیسلرده
ایچیرم یولداشین...