عاغلیمی باشـــدان آلیب بیــــر قـار گؤز 

عاغلیمی باشـــدان آلیب بیــــر قـار گؤز 

باش ندیر هوش‌ندی ؟ قوربان یارا گؤز

 

هر گــــؤزل  گؤیچــه‌یه  دلبــر دئمه‌رم

قارا گـــؤز وار گــؤزلیم  تا  قارا  گؤز

 

کیپریگین سیخــــدی مسلسل کیمی باخ

دردلی سینه‌مدن آچیب میـن یارا ، گؤز

 

اؤلـــــدوررکــن  منی  ترحیم  کاغاذین

ویراجـــــاقدیر  بیلیـــرم  دیــوارا  گؤز

 

گؤزلـــرین گؤرجک اؤزومــدن گئدیرم

گتیریبدیــر منی دای زینهـــــــارا  گؤز

 

باخیشـون روحـــومو قات قات دولانیر

گؤزلریمــدن یول آچیب گؤر هارا گؤز

 

سنه شاخ باخســـــام اگر گؤز قاماشار

بللیدیر شاخ باخــــــا بیلمز قـارا ، گؤز