باورم نیبو که دل کندی و دیر آویدیه

باورم نیبو که دل کندی و دیر آویدیه
بی خیالی،از مو وُ عشقِ مو سیر آویدیه

خوم فقط دونم چه دردی ایکشُم هی بعد تو
هر که وِ ره ایرسهِ ایگهِ که پیر آویدیه

اوسنَل خهکی تو بیدی ناز مِن کارت نبی
بخت و اقبالِ کَجُم سی مو تو بیر آویدیه

اوسو مِن دهسِ مو بیدی گوش ایکردی مدام
ایسو هم هی غُرِّه ایدی مثله شیر آویدیه

پا نشینت کارسون کهِ تا جدا گشتی وَ مو
گرز باتهِ بخت و اقبالم دلیر آویدیه
سرگشته