شعر آنا - ترکی - دادا بیلوردی

کاش زولفونه من گونده آنا شانه اولئیدیم
هر آن دولانیب باشیوه پروانه اولئیدیم
قلبینده آخیب دوغروسو قان تک دولانئیدیم
یا کؤنلومو یارمیش سن اوچون خانه اولئیدیم
رؤیاده خومار گؤزلری نین عاشقی اولدوم
ای کاش او خومار گؤزلره پیمانه اولئیدیم
کاش دونیا چؤنئیدی آنا بیر قوش تک اوچئیدین
ائل دن آرالی منده سنه لانه اولئیدیم
جوشدوقجا دادا نین غم ِ هجرانیده طبعی
کاش سن تکی شمعه آنا پروانه اولئیدیم

دادا بیلوردی