هر عاشق اولان عشقه گرفتار اولابیلمز

هر عاشق اولان عشقه گرفتار اولابیلمز

هر خورما ساتان میثم تمار اولابیلمز

مخلوق خداوند اوزونه اولمیان عاشیق

حق عاشقی تک صاحب ایثار اولابیلمز

دونیا مالونا شهرتینه وورقون اولانلار

انفاق ائله مز طالب دیدار اولابیلمز

ماموره اگر رشوه یماخ اولماسا عادات

مظلوملارین قاننی ظالم سورا بیلمز

میمون تکین هر سوزه تقلید ایلینلر

اندیشه ائدیب صاحب افکار اولابیلمز

محمد یمه غم هر گونین ئوز قصه سی واردور

مفرق پاراسی گوهر شهوار اولابیلمز