وطن قیزلاری

وطن قیزلاری
..............

اولارکی مارال گؤز قلم قاشدیلار
کؤنول کشورینده قیزیل باشدیلار

قاتیغدان نه جور توک،اورکدن غمی
چکرلر دئیرسن کی ماققاشدیلار

بهشتین باغین نئیلیرم نیسیه‌دیر
وطن قیزلاری حوری‌دن باشدیلار

اگر چی گؤررلر تیکاندان یارا
قیزیل گول کیمی اوزده بشاشدیلار

گؤزل اوزلری گون کیمی پارلایار
گونو گؤرمه‌یَنلرده خفّاشدیلار

اوکس‌لرده کی ائولیدیر یار گزیر
هوس اویدورانلاردی کولباشدیلار

نه دونیاده بیربوللو لذّت گؤره‌ر
نه عقباده ، اونلار کی عیّاشدیلار

بولار بیلمه‌ییبلر کی شادلیق ندیر
ولی دایماً غمله یولداشدیلار

چالیش بوْشلاما نفسووین نوختاسین
اؤزوندن چیخانلار،آخیر‌چاشدیلار

نیراوغلو سؤزون عاقیله لعلـدی
سنی سئومز اونلارکی کللاشدیلار