شـــکـــیــل

شـــکـــیــل
بیر ائلی بوراندا قاردا چَکه‌جم
بیرائلی باهاردا واردا چَکه‌جم
بیر شکیل چکه‌جم گوز گیله سینه
آرزیلار دوٍزوله سیل‌سیله‌سینه
بیر باهار سالاجام قیش چیله‌سینه
بیر لالا خونچاسین قاردا چَکه‌جم
بیر داغی چَکه‌جم دومان ایچینده
بیر یاخشی بیتیرم یامان ایچینده
بیر حقی دوغرولدام گوٍمان ایچینده
شاخدادا بیر آغاج باردا چَکه‌جم
بیر سئلی چَکه‌جم سارا قوینوندا
بیر دیلی آسیلی چارا قوینوندا
بیر ائلی یاردیم‌سیز یارا قوینوندا
بیر دیلی دیلچک‌سیز داردا چئکه‌جم
تیکیلی بیر آغیز چَکه‌جم بوما
بیر درین باخیش کی فیکیره جوما
یوللایام شکیلین تهرانا، قوما
بیر ائلین یوخلوقون واردا چَکه‌جم
بیر ایشیق چَکه‌جم اوزاقدان آتیب
بیر دنیز چَکه‌جم دنیزه باتیب
بیر ائلی چَکه‌جم مین ایلدی یاتیب
وارلیغین بیلمیرم هاردا چَکه‌جم
نیله‌ییم دیل‌سیز بیر باش چَکنمیره‌م
سینمده اوٍره‌ک وار، داش چَکنمیره‌م
ائلیمین گؤزونده یاش چَکنمیره‌م
بو ائلین ماهنی‌سین تاردا چَکه‌جم
ائلیمی باهاردا واردا چَکه‌جم
هوشنگ جعفری