ئاخ

ئاخ
کوردستان گیان!
من و
خۆشەویستیت
هەموو شەوێ
بە زاری پێنووسەکەم
چی سنوورە
هەمووی ئەبڕین
چی گۆرانی نیشتمانە
هەمووی ئەچڕین
جار جار نوقمی خەیاڵ ئەبین
لەگەڵ هەڵۆیەک باڵ ئەگرین
چی یاسایە دژی تۆوە
بە چنگ وددان
هەمووی ئەدڕین
جار جار ئەبین بە یەک قازی
بێ ڕەحمانە
هێرش ئەبەین
یەخەی مێژوو
تون تون ئەگرین
جار واش هەیه
لەگەڵ دوژمندا
شەڕ دەکەین
شەهید ئەبین بۆتۆ ئەمرین
لە ئاکامدا
کوردستانم
بەسەربەستی
من و پێنووس, لە ئامێزت
ئارام ئەگرین