من کیمم؟ بیرگول،کی گولدان ایچره تصویر اولموشام!

من کیمم؟ بیرگول،کی گولدان ایچره تصویر اولموشام!
باغ جننتدن اوزولموش، بیر زمینگیر اولموشام!
قیبله گاهیدیم ملایک سیجده إتمیش، فوج–فوج
بیربئله آیدین حقیقت گؤر نه تعبیر اؤلموشام!
جیلوه ی خیلقت منیدیم بارک آلله سؤیلنیب!
بولمورم علت نئدیرکیم، بؤیله تفسیر اولموشام!
تا دوغولدوم لشکر غم باغریمی یارماقدادیر!
من غریبم، گؤر نئجه آماج مین تیر اولموشام
بیر دنیز پیمانه سیدیم دوشدو عشقین کؤنلومه
داملا–داملا، آتش عشقیله تقطیر اولموشام!
اود توتام عشقینده گر، سؤنمک منه افسانه دیر
حشره تک یانماقدایام، چون بؤیله تعزیر اولموشام
بیرجانیم وار، نیلمک، اوجومدا تقدیم إیلرم
تا انا الحق سویلویم، دار اؤسته تدبیر اولموشام!
کائیناتی یاندیریب عشقین، بو یئرده من کیمم؟
هرباخیش آخدیقجا من، قارشیندا تبخیر اولموشام
خالیصی تئل- تئل نیگارین زولفو زنجیر إیله میش
زاده ی عنقا منم، قاف اؤسته زنجیر اولموشام!