شالو مینا اِکُنه تا سر اَوُو ..

شالو مینا اِکُنه تا سر اَوُو ..
غمه وآخوس اِبرِه دیر زِمال ..
غمه وُردآره بَرِه ..
بَرِسون بال همو چشمه گپه ..

چَشمِنه پاک اِرُوِه ..

زیر لو بیتِ بلال بنده به کُر :
زهرمارُم با خدا اُووُچشمه ی پاک
یارخُم بگرمسیر لوآس خورن چاک

یارخم دآس اکشه چی چپ و چمراس
ای خدا وَم برسون او کُر کد راس

صحو تو شاااد ..

چی همو بیت بلال ..
که اِخونه به نمو ناله ی دل دُحدر لُر ..

صحو تو پاک ..

پاک و پاکیزه و ُاَنتیک و هلیک ..

صحو تو قُل قلِ خین مین رگِ تشنی یار ..
چی هموچو که نفس لیز اِگِره ..

تِپُ تِپ اِیتپده دل ..
خین ایدوُنه مِنه ریس ..
گلُوپاس همکُو اَنار ..
سهُر شرم اِیگزه لوُ ..

صُحوِ تو ..