یا حسین اَللَریوه پرچم محشر یاراشیر

یا حسین اَللَریوه پرچم محشر یاراشیر
اؤ گؤزل لَبلَریوه، ساغر کوثر یاراشیر
دِئمیرَم قؤی اَیاغون، گؤزلَریمون اؤسته حسین
اؤ آیاغلاره آقا، دوشِ پِیَمبَر یاراشیر
گلسه جِبریل امین، درگَهیوه فخر ائله سین
اَیاغون آلتینا باش قویماغا اکبر یاراشیر
نه روا شمر قویا سینه_وین اوسته اَیاغون
اؤ گؤزل سینیه والله، علی أصغر یاراشیر
من نَیَم، من نِئچه یَم، آدیما نوکر دیه لَر
سن کیمی شاهه، اباالفضل کیمی نوکر یاراشیر
خالِ زیبایه نئجه، حاشیهء لب یاراشیر
بو حسینه باجی لیق اِئتمَگه، زینب یاراشیر