سئویرم گوزلریوین ذیل قاراسین

سئویرم گوزلریوین ذیل قاراسین
کونلومه ویرما گه هیجران یاراسین

بیلی سن آیریلیقا یوخدی تابیم
گه اوزون ایله بو مشگل چارا سین

دوزه بیل میر اوره گیم آیریلیقا
راضی یام قلبیمی عشقون دالا سین

آیی شرمنده ایله گوستر اوزون
اوزینی قوی سنیله بیر آراسین

سن گوزل لیگده گوزل دهریده یوخ
سئوله یوم حسنیوین هانسین هاراسین

گوز اونوندن ایته سن ایسله مرم
قالاسان من چکم عشقون بالاسین

نا علاج ائتمه چکم حسره تیوی
بوایشین یاخشی بیلیرسن سوراسین

نیدیسن ایله نیگار فکر ایله ائت
قویما یار عشقیمی اغیار قیناسین

عرشیده اولدوزی باتدی چوبانین
چون فلگ آلدی الیندن ساراسین