نه بیلیرسن نه چکیر دردی اولاننار گئجه لر ؟

نه بیلیرسن نه چکیر دردی اولاننار گئجه لر ؟
یا کی حسرت اوتونا سینه یاناننار گئجه لر 


رسمیدور هر گوله آفت ویرا تئز رنگی سولار
غوصه لردن قوجالار رنگی سولاننار گئجه لر 


آیریلیخ دردی یامان دردیدی کی یاخچی بیلر 
یاغیش آلتیندا قالیب ته دولاناننار گئجه لر 


یاتا بیلمز گئجه راحت سینه سی داغلی اولان
گوزلری یاشلی اولار چوخلی زاماننار گئجه لر 


دوس ویرار دیل یاراسی، دوشمانی اونناندا بئتر
هـارا گئتسون بئله آواره قـالاننـار گئجه لر ؟