سَرِ قبرُم بِنویسین نَظَرِش زَن تِیه بُردِش

سَرِ قبرُم بِنویسین نَظَرِش زَن تِیه بُردِش

تیرکاری بخدا هم وَ پَرِش زَن تِیه بُردِش

همه گفتِن که قشنگهِ قد و بالای بُلندِش

بُی یه سِیلی تَوَری مِن کمرِش زَن تِیه بُردِش

بس که سرگشته ی جاگشته قشنگی چِکَش ایکه

وَ نُخُن پاش گِرُهتِن وَ سرِش زَن تِیه بُردِش

لُووَلِش مِی گُلِ سِرخی،بغلش بوی خش ییدا

دشمنی بی تَشه دم دار و دَرِش زَن تِیه بُردِش

بس که هی بُی همه خندِس گَپِ خَش بُی همه ایزه

بیل زِر خار ستونِل کَپَرِش زَن تِیه بُردِش

سرگشته