یاریم منی یاندردی یالان سوزلر ایچینده

یاریم منی یاندردی یالان سوزلر ایچینده

یاندم یالان اولدوم او خمار گوزلر ایچینده

مجنون تک آواره اولوب چوللری گزدیم

فرهاد تک آدلاندم عجب ائللر ایچینده

چکدون منی بنده او قاره زلفوه خاطر

آرزومدی داراخلانسون الیم تئللر ایچینده

بلبل کیمی اوشدوم اوخیام گل دوداغوندان

باتدی قنادیم قالدی شیرین دیللر ایچینده

سنسیزتوکولوب گوزلریمون یاشی قوتولدی

آزقالدی بوغولسون اوره گیم سئللر ایچینده

یول لاردا قالپ گوزلریمون رنگی سولوندی

آیلار دولانپ چخدی نچه ایللر ایچینده

غمسیز یاشیان کیمدی سلیمانی غم ائتمه

سیل دن قوتاران قالدی قارا یللر ایچینده