خبر گلدی یار تویودور

خبر گلدی یار تویودور
بوسؤز دیزدن آتار منی
آیریلیق های و هویودور
غم چای اولور اوتار منی

گل قاصد سن حاشا وورما
مته یی خاشخاشا وورما
داها سن داش داشا وورما
بلا گلمیش توتار منی

دئسن سؤزینگ آچیغینی
کور ائتمه آرتیق دوگونی
آچیق دئ یار گئتدیگینی
هئچ بیلمزدیم ساتار منی

گزمیش اؤزگه یار میلینه
مینمیش آیریلیق ریلینه
نیج ائدم غمینگ سیلینه
قطار اولموش اوتار منی

دوسلار سیز بیلنگیز تاری
قومایینگ کئ گئده یاری
نفسیم گلمیر اوخاری
بو غم گوررا قاتار منی

#ائلم_قشقایئ♥️💫
@قشقایی