نه مجنونم نه هم در سر سگی دارم

نه مجنونم نه هم در سر سگی دارم
که شو روز ومن هول پلات ویسم
اسیر دهسل سردت نیابوم
اگر تا روز محشر جیات ویسم
زر او مرزنگلت جفتی هفی خوین مو‌نیخم
مو نیخم مار من گپ اژدهات ویسم
ابوذری که خین وش صاف ایکردن
همو اول تو نیخاسی که بات ویسم
نه بنگم زی که هم زون صیات ویسم
نه لشتی بی سراکو من ولات ویسم
غریبم کردی و تهنا من ای شهرم
چه میکردم که نیخی اشنات ویسم
تو نونم سیچه ایخوی ونات وابم
به عمر.ویبو که وم امرو صبا کردی
تو ایگوتی که رعیت قومللم وابو
مو ایخم شق من ری که خدات ویسم