بورین مردم بوین که بهاره

بورین مردم بوین که بهاره

زمین دنیا بمو امروز دباره

بورین بوین عمو نوروز بموئه

بورین بوین کسی کینه نداره

بوین بیرون بیئن دشت بوینن

زمین سر سبزه کو سر لاله زاره

بئین غم جا کناری بوین امروز

د روز دنیا اگه خش دوی خاره

تو که دائم خنه کز کنی نیشتی

ته وسه این فلک سر گرم کاره

برو گوش دار چی خونش داینه بلبل

برو گوش دار صدای چلچلا ره

ننیش تینار میون خشت و آجر

برو تا دولت گل بر قراره

خدا دونه حرامه دنیا تسه

اگه باور ناری امروز بهاره