تقدیم به همه بختیاریای عزیز

تقدیم به همه بختیاریای عزیز...

به نام او خدا که "لر"آفرید....
"زینه"و"پیا"..."دوور"و"کر"آفری

به پیایلس داده دبیت وچوغا
به زنگلس شلوارقری ومی نا

کرده به دنیا لره وادیاری
داده بسون غیرت بختیاری

داده بسون بهشت دنیا خوسه
داده به لر،افتو بالا خوسه

عشق علی وآلسه دا به لر
زعشق خوس کرده دلاسونه پر

افتوه داده به لر وگگونس
مه نه نهاده من جغا بهونه س

وارگه لره جوره بهشت آفری
ایگوی که غیر لر به دنیا نبی

چونوبه سون داده زنازونعمت
ایگوی بل غیر لر نداره قیمت

لرهمه جا عزیز مردم آوی
واهمه ایل وطافه ها خم آوی

تمام دنیا زگگونم پره
ایرمونوم که نصمه دنیا لره

هخامنش زایل لر ورستا
پشق وپلا وابیه مین دنیا

مو تاته زا کورش و اردشیرم
موتخت جمشیدم و بردشیرم

زاینده رود ودز وکارون مونوم
زنسل سلمون مسلمون مونوم

موبختیاریوم زنسل افتو
صافه دلوم پاکه دلوم جوره او

هرچه که خواستیم وخدا بمون داد
خدا گپی خوسه به لرنشون داد

گپی وغیرت ووفا ودین داد
درخت وکینو واو وزمین داد

تنگ منار.....
غیرت هفت وچاری
نره
ز"ویره ایل بختیاری"