'سێکانسی ژوانی خەیاڵ '

'سێکانسی ژوانی خەیاڵ '


ئەو ئێوارەیە کە دیسان دڵتەنگی خەریک بوو دەستی لە گەرووم دەنا و دڵمی گوشار دەدا !

لە ناخی بیرەوەرێکانم دەرم کێشایە دەرێ

دەستم خستە ناو دەستی نەبوونت

پەڕێکی دیکەم لە تڕاژیدی نەبوونت هەڵداوە

لە هەر پنچکێک کە دەگەیشتینێ دڵۆپێکم خوێنی ئەوین لێدەتکاوە

لە بێ دەنگی پیاسەمدا دەنگی چرپەی فرمێسکم دەنگی دەداوە

ساردی ئەو وەرزەش ڕەنگی دەداوە

سەرم هەڵێنا

گوڵ دەگریا

فرمێسک دەڕژا

دار چەما

هەنگاوم شل بوو

گەڵا زەرد بوو

بەڵام چاوەکانتم هەروا بەرامبەر بوو

بەڵێ ئەوە نمایشی سەمفۆنی هەموو ئێوارانی من بوو

کاتێک رووخا بە دەرچونت
کۆشکی حه‌زو ئاواتی من