من کیلگه‌ی گه‌نم و جوی شیعر بووم

من کیلگه‌ی گه‌نم و جوی شیعر بووم
دایکیشم بارانی په‌له‌دان
من به‌ردی ناو لانکه‌ی شاخی بووم
دایکیشم نیشتمان
من کرمی ئاوریشمی قوزاخه‌ی به‌هره بووم
دایکیشم ده‌ره‌ختی برک و ژان
من جه‌سته‌ی مه‌لیکی سپی بووم
دایکیشم ئاسمانی وه‌ک قه‌تران
من خه‌و بووم و دایکم سه‌رم
من که‌رویشک و ئه‌و نزار بوو
من جولانه و ئه‌و لقی دار
من هه‌ناسه و دایکم سنگ بوو
ئه‌و قه‌فه‌ز و من که‌وه‌که‌ی
من چیروک و ئه‌و شه‌وه‌که‌ی