لبیک یوز استونده دوشن توپراقا لبیک

لبیک یوز استونده دوشن توپراقا لبیک
لبیک سو استونده دوشن قولارا لبیک      
لبیک حسینون باجیسی زینبه لبیک   
اوچ یاشدا یانان خیمه ده بیر کوکبه لبیک
لبیک بیچن اوخ بوغازین اصغره لبیک
لبیک سوسوزدان قوریان لبلره لبیک   
لبیک دوشن مرکبین اوستن یره قولسوز
لبیک قالان لشکر آرا بیکس و یالقیز   
لبیک یانان خیمه لری جور و جفادن   
لبیک سوسوز باشی کی ذبح اولدی قفادن  
لبیک او قولاره کی باغلیدی طنابه
لبیک او عریان دَوده خسته ربابه
لبیک قالان آتلارین آلتندا وجودی   
لبیک اولان قانیله مقتلده سجودی
لبیک او شهه تیر دیوبدور اورگیندن
بیر الّی چکیب تیری چیخاردیبدی کورگیندن
لبیک اوپَن حنجرینی خنجر کینه
داش، نیزه لر آلتندا قالان یاره لی سینه
لبیک او قیزا سالدی اونی آتلار ایاخدان
سیلی یوزونه دیدی آخیب قانی قولاخدان
لبیک او الّرده قالان باشلارا لبیک  
لبیک دَیوب داش، یارالان باشلارا لبیک   
لبیک او جسمه کی داغلمیشدی مناده
گئتدی باباسی خیمیه بیر قانلی عباده