پریشان حالیمی گوردن عجب قاچدین کناریمدان

پریشان حالیمی گوردن عجب قاچدین کناریمدان
دل رسوامی اینجیتدین حذرقیل آه و زاریمدان
اگر یاهو چکم بیردم جهانی اودلارام یکسر
سنیق کونلوم خبر وئرمیش یانیقلی دل فکاریمدان
آلیب جانیم سیه خالین سالیبدیر درده عالمده
منی یالقیزقویورسان سن قاچیرسان هی کناریمدان
توکوب زولفون نقاب ا ئدمیش زنخدانه حجاب ائدین
ندن اوز دوندریب گئدین کنار اولدون کناریمدان
روا گورمه بو جانانی حزین و دربه در گزسین
الیم یئتسه او دامانه گوتورمم ال نیگاریمدان
(گلاب)م خسته ی عشقم اگر اولسم بو دردیله
سنی معبوده آند وئرم کنار اولما مزاریمدن