دلم تنگه مو سی مال و گذشته

دلم تنگه مو سی مال و گذشته
به سی دو و چویل کلگ برشته
به سی تکتکی و نون سریک
به سی سیر و لوه دلم زنه دک
به سی توچری و روغن من خیگ
به سی میش و کوه تیربز وا بیگ
به سی گرده منه تش تنگ چاله
به سی هل هل کوسه کل گاله
به سی نرمیش کال وشیشک بور
به سی مال به ره و چهاربون ناجور
به سی تش بلیط و گوشت تیشتر
به سی مایون بور قاطر و نرهر
به سی ترکی و تره و موسیر
به سی بهون شه توسی واتیر
به سی چوبازی و مال دم لا
به سی چادر و استیم سر پا
به سی رسم خومون که مال اکرد بار
یکی گلن اروند یکی اورد مال
وقتی فکر اکنم حرسام ایان لم
هر چه زمال بگم باز گودمه کم .