آذربایجان سرودو

آذربایجان سرودو

ای تورپاغی لعل و مرجان، آذربایجان-آذربایجان
من وئره‌رم اوغرونداجان، آذربایجان-آذربایجان
**
ای وطنیم دوشمن عجب، باغرینی آلقان ائله‌دی
سویدو رذالتله سنی، ظلمله تالان ائله‌دی
باغلارینی ووردو خزان، گؤر نئجه ویران ائله‌دی
ظلمت کئچیب، دؤندو دومان، آذربایجان-آذربایجان
من وئره‌رم اوغرونداجان، آذربایجان-آذربایجان
**
کئچمیشینه باخمالی‌دیر، پیر و جوان عبرت ایله
حاضیر اولوب ائللریمیز، انتقاما غیرت ایله
مقصدیمیز وار سنی آزاد ائلیه‌ک ، سرعت ایله
مستبده یوخدیر آمان، آذربایجان-آذربایجان
من وئره‌رم اوغرونداجان، آذربایجان-آذربایجان
**
بسله‌میسن شانلی وطن، نازیله اؤز ائولادینی
من‌ده گرک، جهد ائله‌ییم، عرشه اوجالدیم آدینی
همت ایله پارچالاییب محو ائله ییم جلادینی
وقت سعادت‌دیر اویان! آذربایجان-آذربایجان
من وئره‌رم اوغرونداجان، آذربایجان-آذربایجان
**
آند ایچرم ناموسیما، مسلکیمه، وجدانیما
گون کیمی دنیاده مقدس تانییان ایمانیما
یا سنی آزاد ائلییم، یا بویانیم آل قانیما
حقین اوزو دؤنمز اینان، آذربایجان-آذربایجان
من وئره‌رم اوغرونداجان، آذربایجان-آذربایجان