دان و داوه ئا وەدانی و چۆڵ پەرەستیم خۆشتره

دان و داوه ئا وەدانی و چۆڵ پەرەستیم خۆشتره
خێڵی جندۆکه لەفێڵی دوستی قەستییم خۆشتره
من له یارانی زه مانه هه ر نه یاریم هاته رێ
هاو دڵیم بو ساخ نەبۆوه ، دڵ شکەستیم خۆشتره
تا وته ی زارم لەگەڵ رازی درون هاو رێ نەبێ
هەرکپی وماتی وکەڕی وبێ هەست وخوستیم خۆشتره
من که بەهرێکم نەدی لەورێ ڕەوی وپێ بڕکەیه
به رهەمم هەربوبه وەستان،هەڵ نەوێستیم خۆشتره
پێ ڕکه ی ئاوات نه پێوێ و ده ست به هیوا را نەگا
پەل براوو و دەست شکاو ، بێ پێ و دەستیم خۆشتره
ئەم پەرەستی و ئەو نه ویستی،هەردەمێکی روگەیەک
خۆم لەبەر چی پێ دزێو بێ ، خۆ پەرەستیم خۆشتره
بەسمه دەستەکوتەی لەخوڕا وڕێ بڕینی بێ وچان
رەنجی ڕا بوردوم به با دا ، با به دەستیم خۆشتره
خم گەری دەوران دەبینم هەر دەمێ رەنگیکه وا
رەنگه پیێ وا بێ لەخۆڕا ، رەنگی نیستیم خۆشتره
چون گوناهی تێ گەیشتن بۆته داوی زیندەگیم
کردەوەی گێژ و خولان و شێت و مەستیم خۆشتره
" شاعیری دلسۆزی کورد ما مۆستا « نوری » "