کورد

کورد
راپەڕن هەستن درەنگە ، دەی گەلی هۆشیاری کورد
دەست لە دەستی یەک گرێ دەن ، خەڵکی لادێ و شاری کورد

ئێمە وەک دارێ ڕواوین ، ڕیشەمان یەک ڕیشەیە
تۆ لق و پۆپ و گەڵامی ، من ڕەگی ژیواری کورد

وا دەیان ساڵە گەلی کورد ، خوێن ئەڕژێ و گیان ئەدا
هەوڵ ئەدا بۆ سەربەخۆیی و ، ڕۆشنەی ڕزگاری کورد

ئەی جەنایەت گەر ئەرێ ئەی ، پەستی بێ مۆخی زەلام
قەت نەبوو شەرمێ لە دڵتا ، تا نەکەی ‌‌کوشتاری کورد

هەر هەموو ساتێ نەک ئێستا ، بۆ حەق و مافی ڕەوای
دژ بەزێن و تێ نەوەستن ، هەر هەموو چەکداری کورد

هەر دەمێ تێکەڵ بە یەک بوون ، هۆزی قۆزی کیژ و لاو
قڕ دەبێ قیڕە و پلانی ، دوژمنی لاساری کورد

عاقیبەت دەینێتە مشتت ، میللەتم چی بێ سەزات
گڕ دەدا هێز و بڕشتت ، هەل هەلە و هاواری کورد

پشتی من بەم زەربەتەی تۆ ، دڵنیا بە ناچەمێ
وا شەپۆلی قینی ئێمە ، ڕاو ئەنێ دژیاری کوردی !

تاکوو کۆت نەکرابێ شێران ، ڕێوی چۆن ژین سەر ئەکا؟
هەوری ڕەش دەڕوات و دێتۆ ، تاوی پش کۆساری کورد

ئەی دڕی ملهوڕ بزانە ، ڕۆژی ئێمەش دێتە سۆ
هەر بە کوێرایی چنۆکان ، دێتەوە کۆماری کورد

#بەهرووز_ئەحمەدی_بەڵاچێژ
‍ـــــــــــــــــــــــــــــــــــــــــــ