ً

ً
بە بۆنەی هاتنەوەی جێژنی ڕەمەزانەوە، جوانترین پیرۆزباییەکانی خۆم، ئاڕاستەی هەموو موسڵمانانی کوردستان دەکەین و هیوای ئاشتی و ئازادی دەخوازین بۆ گەلەکەمان. 
ئێمە ئەم ساڵ لە کاتێکدا جێژنی ڕەمەزان پیرۆز دەکەین، کە خوشک و براکانمان لە ڕۆژئاوای کوردستان، لە ژێر هەڕەشە و هێرشی تاقمە تێرۆریستییە توندڕەوە ئیسلامییەکاندا، هەر بۆیە جێی خۆیەتی لەم جێژنە دا، هەموو تێکڕا و بە هەر شێوەیەک کە بۆمان دەگونجێ، دژ بەو کۆمەڵکوژییەی کە دەرحەق بە ڕۆڵەکانی نەتەوەکەمان دەکرێ هەڵوێست بگرین و ڕێگە نەدەین کە لە ژێر ناوی دین و ئایین دا گەلەکەمان بۆ جارێکی دیکە تووشی شاڵاوی ئەنفال و زیندە بە گۆڕ کردن بکرێتەوە. ئەرکی پیاوانی ئایینی و هەموو موسڵمانانی راستەقینەی کوردستانە کە لەم ڕۆژە پیرۆزە دا بانگەوازی ئاشتی بکەن و خەڵکی کوردستان و جیهان لە کردەوەی دزێوی ئەو تاقمە تێرۆریستیانە ئاگادار بکەنەوە.
دیسانەوە جێژنتان پیرۆز و بژی کورد و کوردستان 
#کورد
#کوردستان
#پیشمرگه