که‌وه‌ شه‌له‌

که‌وه‌ شه‌له‌

‎سه‌رداری بۆکان عه‌زیز
‎خانی سه‌ربه‌رز و به‌ڕیز
‎دیتی که‌وێک ده‌فرۆشن
‎کڕیاری زۆر له‌ جۆشن
‎پرسی : چۆنه‌ ئه‌و که‌وه‌
‎وا له‌ ده‌وری هه‌وهه‌وه‌
‎گوتیان : که‌وێکی راوه‌
‎که‌وی بڕی له‌و ناوه‌
‎که‌وه‌ شه‌له‌ی به‌ ناوبانگ
‎نرخی بۆکانه‌ شه‌ش دانگ
‎هه‌رگیز بینی ته‌نگ نابێ
‎له‌ قاسپه‌ بێ ده‌نگ نابێ
‎وتی نامه‌ به‌ په‌له‌
‎بۆم بکڕن که‌وه‌ شه‌له‌
‎چل زێڕیان له‌ سه‌ر بژارد
‎که‌ویان به‌ سه‌ردار سپارد
‎خان هه‌ڵیپساند سه‌ری
‎رووی کرده‌ ده‌ور و به‌ری
‎گوتی : کێ هاوڕه‌گه‌زی
‎بداته‌ ده‌ست ناحه‌زی
‎پاداشی سه‌ر بڕینه‌
‎نه‌ک وا به‌ زێڕ کڕینه‌
‎هۆشت بێ کوردی هه‌ژار
‎گه‌لت مه‌ده‌ ده‌ست نه‌یار

#هەژار